ЛГБТ Төвийн YouTube суваг шинэчлэгдэж, хэрэглэхэд амархан сэдэвчилсэн плэйлистүүдтэй боллоо. ЛГБТ Төвийн кино сонирхогч залуучуудын The Q Project багийнхны 2013 оноос эхлэн хийсэн кинонуудаас эхлэн НҮБ дээрх дэлхий даяарх ЛГБТИ эрхийн төлөө нөлөөллийн тухай, НҮБ-ын ЛГБТИ эрхийн кампанит ажлын видеонууд, ЛГБТИ асуудлаарх Монголын үе үеийн зурагт болон радиогийн чухал ярилцлагууд, үүнд төвийн ажилтнуудаас гадна Ханзогийн Зориг, транс Мисс Солонго, Ган-Од нарын олныг шуугиулсан ярилцлагуудыг эндээс нэг дор үзэх боломжтой. Мөн ЛГБТ Төвийн Хүний эрхийн төлөө залуу манлайлагч хөтөлбөрийн төгсөгчдийн хийсэн гайхалтай ажлууд, ЛГБТ Төвийн анхны кампанит ажил болох 2010 оны Ялгаварлан гадуурхалтыг бүрмөсөн зогсооё аяны видеонууд гэх мэт үзэх, харах, сонсох зүйл ихтэй шинэчлэгдсэн ЛГБТ Төвийн YouTube сувгийг дагаарай.