2014 оноос эхлэн ЛГБТ Төв нь бодлогын түвшинд урлагаар дамжуулан ЛГБТИК+ хүний эрхийг хөхиүлэн дэмжих бодлогыг баримтлан ажиллаж байна. Дэлгэрэнгүй мэдээллийг эндээс авах боломжтой.
Энэ жил бид цахим үзэсгэлэн зохион байгуулж байна. Та бүхэн цахим сүлжээнүүдэд #IDAHOTB2020MNG хаштэг дор күийр сэдэвтэй уран бүтээлүүдийг хүлээн авна уу.
Тус санаачлагын хүрээнд жил бүр уламжлан зохион байгуулж ирсэн “Шилдэг бүтээлийн уралдаан”-ыг энэ жил ковид-19 цар тахлын улмаас цуцалсан билээ. Уран бүтээлчдийг цахим үзэсгэлэнд оролцоход нээлттэй тул та бүхэн 5-р сарын 25-ыг хүртэл бүтээлээ khulan@lgbtcentre.mn хаяг руу хавсралтаар илгээнэ үү.
(Уран бүтээлчийн нэр, бүтээлийн нэр болон огноог хамт бичих)
Өнөөдрийн онцлох уран бүтээлч бол Мега
Товч намтар: 19 настай, media artist болохыг хүсдэг охин бөгөөд ЛГБТ төвийн сайн дурын ажилтнуудын нэг, дэмжигч билээ.
Эхний бүтээл
https://www.instagram.com/p/B-XBsUuA5dI/
Бүтээлийн тайлбар: Транс* эмэгтэйн торсо буюу цээжин хэсгийн барималыг хамгийн үзэсгэлэнтэй сорвийнх нь хамт харуулахыг зорьсон.
2 дахь бүтээл
Бүтээлийн нэр: Farewell to a dear friend/Найзтайгаа хийсэн салах ёс
Тайлбар: Бид хоёр 17-той байсан. Дараа нь би 18 хүрсэн ч тэр 17-той хэвээрээ үлдсэн. Удахгүй би 19 хүрэх ч тэр 17-той хэвээр…
3 дахь бүтээл
Бүтээлийн нэр: Similar girl/Надтай төстэй охин
Тайлбар: Өөрийгөө нууж буй транс* эмэгтэй болон түүний найз бүсгүй. Тэд адилхан гэдгээ мэдэхгүй, гэвч төрөхөд л байсан ижил чанарыг нь юу ч өөрчилж чадахгүй.
Урлагаар дамжуулан үзэл бодол болон өөрийн мөн чанараа илэрхийлэх нь маш чухал зүйл билээ. ЛГБТИК+ залуу уран бүтээлчид олон болж байгаад бид маш их баяртай байна! Та бүхэн энэ жил АЙДАХОТБ цахим үзэсгэлэнд оролцоогүй ч, дараа жил заавал оролцоорой.